Ten Hag ថា Man Utd មិនទាន់អាចប្រជែងដណ្ដើមពាន PL
Posted: 07 Sep 2022, 06:30
Ten Hag ថា Man Utd មិនទាន់អាចប្រជែងដណ្ដើមពាន PL ទេទោះឈ្នះ ៤ប្រកួតជាប់គ្នាទៅហើយក៏ដោយ
លោក Erik Ten Hag អ្នកចាត់ការក្លឹប Manchester United បានឆ្លើយតបទៅកាន់អ្នកសារព័ត៌មាននឹងសំណួរថា អ្នកគាំទ្រក្លឹបលោកអាចចាប់ផ្ដើមស្រមៃថាក្លឹបនឹងប្រកួតដណ្ដើមពាន Premier League នៅក្នុងរដូវកាលនេះបានហើយឬនៅក្រោយឈ្នះ៤ប្រកួតជាប់គ្នាបែបនេះ ដោយលោកបានឆ្លើយថានៅមិនទាន់នៅឡើយទេ។
លោក Ten Hag បានឆ្លើយថា៖” ខ្ញុំយល់ថាអ្នកគាំទ្រ ពួកគេកំពុងស្រមៃ តែអញ្ចឹងបានទាល់តែស្ដង់ដា Man Utd យើងល្អ ប៉ុន្តែឥឡូវនេះយើងទើបតែចាប់ផ្ដើមល្អ យើងនៅឆ្ងាយទៀត យើងត្រូវតែធ្វើឲ្យល្អជាងនេះទៀត អញ្ចឹងវាទាមទារការខិតខំ ទាល់យើងខំធ្វើទាំងអស់គ្នា នាំមកនូវស្ដង់ដាខ្ពស់នៅ Carrington នេះ “៕ លោកបានបន្តថា៖” យើងត្រូវតែល្អប្រសើរជានិច្ចបើចង់ឈ្នះពាន។ យើងត្រូវឈ្នះរាល់ការប្រកួត នេះជាអ្វីដែលអ្នកគាំទ្រត្រូវមើលឃើញ។ អ្វីដែលយើងខិតខំរហូតមក គឺយើងត្រូវខិតខំធ្វើយ៉ាងណានាំមកនូវស្ដង់ដាខ្ពស់ បង្កើតនូវភាពឈ្នះរហូត។ អញ្ចឹងហើយនៅខណៈនេះខ្ញុំគិតថា យើងមិនទាន់កម្រិតហ្នឹងដើម្បីប្រកួតប្រជែងដណ្ដើមយកពានហ្នឹងទេ តែយើងកំពុងដើរលើទិសដៅហ្នឹងបានល្អហើយ។ យើងត្រូវបានខិតខំលើទិសដៅហ្នឹងទៀត “។ Man Utd ឈ្នះ៤ប្រកួតជាប់ៗគ្នានៅក្នុងក្របខ័ណ្ឌ PL ដោយឈ្នះនឹង Liverpool, Southampton, Leicester City និង Arsenal ៕
ព័ត៌មានកីឡាបាល់ទាត់ថ្មីៗ